موجودہ دور میں ایسے مضامین کی اشد ضرورت ہے،چوہدری جاوید گوندل
نیویارک(خصوصی رپورٹ)ممتاز سماجی شخصیت اور علامہ اقبال کمیونٹی سینٹر نیویارک کے چیئرمین نے ڈاکٹر طارق حسین سومرو کے تحریر کردہ فکر انگیز مضمون ’’زندگی ایک شہر ہے، گلیوں سے شاہراہوں تک کا سفر‘‘ کو معاشرتی، اخلاقی اور روحانی شعور بیدار کرنے والی ایک اہم کاوش قرار دیا ہے۔چوہدری جاوید گوندل نے اپنے تاثرات میں کہا کہ موجودہ دور میں ایسے مضامین کی اشد ضرورت ہے جو انسان کو اللہ تعالیٰ اور اس کے رسول ﷺ کی تعلیمات کی طرف متوجہ کریں۔ انہوں نے کہا کہ ڈاکٹر طارق حسین سومرو نے نہایت سادہ مگر مؤثر انداز میں زندگی کے مختلف پہلوؤں کو شہر، گلیوں، شاہراہوں اور ٹریفک کے استعاروں کے ذریعے بیان کیا ہے، جس سے ہر طبقۂ فکر کے افراد رہنمائی حاصل کر سکتے ہیں۔انہوں نے کہا کہ مضمون میں صبر، دیانت داری، قانون کی پابندی، عاجزی، دوسروں کی مدد اور توکل علی اللہ جیسے اہم موضوعات کو اجاگر کیا گیا ہے۔ اس کے ساتھ ساتھ ذہنی دباؤ، صحت کے مسائل اور جدید زندگی کے چیلنجز پر بھی نہایت مدلل انداز میں روشنی ڈالی گئی ہے۔ چوہدری جاوید گوندل کے مطابق یہ تحریر نوجوان نسل کے لیے ایک عملی رہنما کی حیثیت رکھتی ہے جو انہیں جلد بازی، مایوسی اور غیر اخلاقی راستوں سے بچنے کا پیغام دیتی ہے۔انہوں نے مزید کہا کہ مضمون کا اسلامی پہلو خاص طور پر قابلِ توجہ ہے، جہاں قرآن مجید کی آیات اور اسلامی تعلیمات کے ذریعے یہ واضح کیا گیا ہے کہ زندگی کی تمام مشکلات اور کامیابیاں اللہ تعالیٰ کی مشیت سے وابستہ ہیں اور انسان کے لیے صبر، شکر اور عبادت ہی کامیابی کا حقیقی راستہ ہیں۔چوہدری جاوید گوندل نے ڈاکٹر طارق حسین سومرو کی علمی اور فکری خدمات کو خراجِ تحسین پیش کرتے ہوئے امید ظاہر کی کہ وہ مستقبل میں بھی ایسی اصلاحی اور تربیتی تحریروں کے ذریعے معاشرے کی رہنمائی کرتے رہیں گے۔ انہوں نے کہا کہ ایسے مثبت پیغامات معاشرے میں امید، برداشت اور خیر خواہی کے فروغ میں اہم کردار ادا کرتے ہیں۔خبر کے اختتام پر انہوں نے دعا کی کہ اللہ تعالیٰ ہم سب کو اپنی زندگیوں میں صبر، شکر، حسنِ اخلاق اور خدمتِ خلق کو اپنانے کی توفیق عطا فرمائے اور ہمیں دنیا و آخرت کی کامیابیوں سے نوازے۔
