صدر مملکت آصف علی زرداری نے ملک کے دفاع و سلامتی کیلئے گراں قدر خدمات کے اعتراف میں جنرل سید عامر رضا کو اعزاز سے نوازا
اسلام آباد (اظہار خان نیازی) چیئرمین سینیٹ سید یوسف رضا گیلانی نے ایوان صدر میں منعقدہ خصوصی تقریب میں شرکت کی، جہاں صدر مملکت آصف علی زرداری نے کمانڈر نیشنل اسٹریٹیجک کمانڈ جنرل سید عامر رضا کو ملک کے دفاع اور سلامتی کیلئے گراں قدر خدمات، غیر معمولی پیشہ ورانہ صلاحیتوں اور نمایاں کارکردگی کے اعتراف میں نشان امتیاز (ملٹری) سے نوازا۔ جنرل سید عامر رضا ہلال امتیاز (ملٹری) اور ستارہ بسالت بھی حاصل کر چکے ہیں۔ تقریب میں وزیراعظم محمد شہباز شریف، چیئرمین سینیٹ سید یوسف رضا گیلانی، نائب وزیراعظم و وزیر خارجہ سینیٹر محمد اسحاق ڈار، چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر، چیف آف نیول اسٹاف ایڈمرل نوید اشرف، چیف آف ایئر اسٹاف ایئر چیف مارشل ظہیر احمد بابر سدھو، وفاقی وزراء، ارکان پارلیمنٹ اور سفارتی برادری کے نمائندگان نے شرکت کی۔